تمساح مسكون (بسم الله علينا)

جبتلكم اليوم قصة واحد دخلته جنية بس للامانة تراها منقوله << ماتحب تكذب



القصة:



مره من مرااااااااات المراريت الي مره مرة علي وانا مشغل


ال Fm الا وتجي اغنية اصاله كرم مدري اصاله نصري


سوااااااااااااها قلبي ياحبيبي وحبك ماطاعني وانا عن الحب ناهييه .... الخ


و سوااااااها قلبي . واقوم ارقص ارقص ارقص ( طبعا قبل رمضان هالسالفه ) الا واتعكرف بمحرك


البليستيشن واطيح ويدخل خشمي باوتار العود الي عندنا . وانتفض وانتفض . وانتفض انتفض


طالعن تقل جوال على الهزاز . وابرربررررر واثرر ثررر واكرركررر بكلااام غير معروف


الا ويتجمعون علي عيال الحاره ... !! عاد هم مايصدقون خبر . قالو مرجوج دخلته سكنيه


ومن زود لاقافتهم دايم يلاحقون الدفاع المدني والاسعاف اذا شافوهم طالعين لحادث والا لشي .


المهم و كلهم يبحلقون وفاقين خششهم ؟؟ اول مره يشوفون واحد يتسدح ويتقلبن عيونه ....!!!


الا ويجي ابوي ويوقف عند راسي مار اقوووم واقف .. وانحاااش .. قال ابوي امسكووووووووووووه .


ويركضوون انوااااااع اللقافه .. والي يطلق نعاله والي حاطهن بمخباته والي عاض على ثوبه


ويلاحقوني لاحقوني ويطبون علي طالعن كني ياسر القحطاني لاسجل هدف .. اوووف مامداني انحاش



الا وشايليني على الاكتاف .. واحد والي شايلينه 999999 واحد !!! كنهم نمل شايلين كسرة شابوره


قال ابوي نزلوه نزلوه .... ويفصخ هاك الزبيريه الي عرضها 4×4 ولا مقاس خيمه عامود واحد


ويخبطني هااااااااااااك الهوااااااااات لين دلا رااااااااااسي يبتررم ويرن منها تقل يـــد نجر ..


ابحط رجلي ... وين انحاش معه و فريق السله محاوطيني بكل ملمتر .. !!! حتى الاكسجين مافيييييييه


وابوي يضرب يضرب اطلعي اطلعي .... واقوله وش الي اطلعي .. انا ولدك يابو الشباب ..


قال ابوي طقوووو على بيت ابو صالح والا اتصلو على مصطفى دبرنــي <<< مدرس التحفيظ الي بالمسجد


ويطلعلنا ابو صالح بسروال نص وفنيله علاقيه ... وهاك الطاقيه الي بطرف الصلعه ...


ويجينا مصطفى دبرني مدري دبرلي هو والنقطه السوداء الي بجبهته هالي كنها نقطه البلنتي


وعليها ثوب النوم المخطط طالعن كنه حكم مصارعه . على هاااااااك الكرشه الي كنها كيس ارز 50 كيلو


على طوووول الاخوان بدو يقروون علي .. ( قل هو الله احد ).. تففففف ..( الله الصمد ).. تففففف


وقرو من القران ثلاث اجزاء وهالسكنيه ماتكلمت ...... قلت ابي مويه ومدري الا و هووز ( لي ) ولا


هووز الدفاع المدني مشبكينه ببرادة المسجد لخشتي لين صااااار الماء يطلع مع اذاني ومخابيتي


ويجتمعوووون لجنه فصل التوائم على غفله ابن ربيعه وطقته ... ابو ي وابو صالح و مصطفى دبـلي مدري دبرني المهم


ويوصوصون ويخرتشوووووووون يتخللها نضرات حاده .. ولمس لطرف جبهتي .. و تمتمات تخووف


ويجيب ابوي العزبه ..؟! احلى شكلهم بيزبطون الشاهي ويطلع الدافور .. !!


ويجيب ابو صالح الطنب ( وتـد الخيمه ) ويسخنونه ليييييييييييييييييييين صار اصفررررر يلقققق


ابتحرررررك ابنحااااااش ابااااا ..؟ مايمديك


اووول ماقربو الوتـد .. مار اقول خلاااص خلاااااص ابطلع .. قال ابوي وان دخلتيه مرتن ثانيه ؟


قلت ووووالله ماعتب جبهته ولا ادخله وبالله عليك فيه جنيه بتشوف هالي حولك وبتفكر تدخل باحد ؟؟


قال ابو قرررررررعه مصطفى دبرني مدري دبر ابو جدي .. عطها كويه على الماشي عشان ماتعودلها


قلت انت يابو الشباب انت وهالنقطه السوداء هالي بجبهتك هالي كنها مضرب كيرم خلك عاقل


الا ويضحك ابو صالح وبدت تهز كرشته من الضحك غدت كنها مكينة ددسـن . وقال الله يقطع سوالف


هالجنييه تستخف دمها هكك هككك هككك هككك <<< عاد كذا هو يضحك انا مالي دخل


الا ويضحكون باقي الفرقه الموسيقيه .. مار افلتتتتتتتتتتتتتت من بينهم واحط رجلي الا ومتعلق


برقبتي سبع بزارين والله كني العب كورة القدم الامريكيه ..




ويجي ابو صالح وهو يحك حك كرشه ويوقف عند راسي


وانا طايح وماسك رجلي واتلوا .. عاد هو سوالي فيها حكم مباراة وجلس يشر لفرقه انقاذ المصابين



ويتجمعوووووون علي رابطة جماهير الاتحاد مره ثانيه ..


ويجلس ابوي على ركبته الشريفه وانا اقووم واقول .. ابوي .. !! ابووووووي ؟؟ بابا باباااااااا << مسويلي فلم مصري


ااااااااااااه اوووووووووووه اااااااااااه الحمد لله <<< شهيق وزفير .... الخ


قال ابوي هاتوله موووويه .. ونفس الهووووووووز وهاتوله اااااا ..... الخ

يوم شفت السالفه فيها امر نجيك نطامر وشبيك لبيك ياسمسم وافتح الباب مدري وشو ..


مار استغلها واقول يبه ابي عسكريم ويبه ابي ااااا اااا ابيه ؟ وش اسمه اا ايه صح ابي سياره


قال ابوي قم بس خل عنك الدلع الي مافيه امل يركب عليك انت واذانك هالي كنهن مرايا ددسن .


واقوم انفض الغبار عن ملابسي ويجيبون لي نعالي و كن شي ماصار ومن عقبها ماصرت احرص


على اغاني الطق طقه ...


الفوائد المرجوووه من هالسالفه ........


1- لا تسكنون حوووووول واحد مثل ابو قرعه والا ابو كرشه ..


2- لا ترفع لصوت المسجل على الاغاني تالي الليل ( بعد رمضان طبعا )


3- ادخل نادي رياضي والا كل يوم خذلك لفتين باقرب شارع حوامل حول بيتكم استعدادا للهروب من مثل هالزنقات .


4- عاد حطوها من عندكم

اسم الله علينا
مشكور أخي علي
على هذا الموضوع